អំពីក្រុមហ៊ុន
ក្រុមហ៊ុន វ័ន ហ្រ្វេតធើនីធី គឺជាក្រុមហ៊ុនរបស់កូនខ្មែរ ដែលមានជំនាញលើការលក់ ការចែកចាយ និងការពង្រីកទីផ្សារនៃផលិតផលគ្រប់ប្រភេទរបស់អតិថិជន។ ចាប់តាំងពីបង្កើតក្នុងឆ្នាំ២០១០ ក្រុមហ៊ុន វ័ន ហ្រ្វេតធើនីធី មានបទពិសោធ និងមានភាពជិតស្និទ្ធជាមួយភាគីពាក់ព័ន្ធរួមទាំងស្ថាប័នរាជរដ្ឋាភិបាល អាជីវកម្ម អ្នកលក់ដុំ អ្នកលក់រាយ ភ្នាក់ងារលក់បន្ត និងអតិថិជនទូទាំងប្រទេស។ ជាមួយនឹងបណ្តាញចែកចាយយ៉ាងទូលំទូលាយ និងមានជំនាញច្បាស់លាស់លើការស្រាវជ្រាវ ការវិភាគផ្នែកទីផ្សារ ការវាយតម្លៃលើតម្រូវការអតិថិជន ការលក់ ការពង្រីកទីផ្សារ និងការចែកចាយ ក្រុមហ៊ុន វ័ន ហ្រ្វេតធើនីធី បង្កើតយុទ្ធសាស្រ្តដែលមានប្រសិទ្ធភាពសម្រាប់ដៃគូអាជីវកម្មរបស់យើង ដែលមានគោលបំណងពង្រីកអាជីវកម្មរបស់ខ្លួននៅក្នុងទីផ្សារថ្មី និងទីផ្សារដែលមានស្រាប់ក្នុងប្រទេសកម្ពុជា។
ក្រុមហ៊ុន វ័ន ហ្រ្វេតធើនីធី រក្សារនូវវប្បធម៌ដ៏ថ្លៃថ្លាក្នុងការបម្រើជូនអតិថិជនទៅវិញទៅមក ដើម្បីឈានទៅដល់ភាពជោគជ័យ។
បេសកម្មរបស់ពួកយើង
ផ្តល់ជូននូវផលិតផល និងសេវាកម្មដែលមានគុណភាពខ្ពស់សម្រាប់ជីវិតមនុស្ស និងសង្គម។
ទស្សនៈវិស័យ
ក្លាយទៅជាក្រុមហ៊ុនជាតិដែលត្រូវបានកោតសរសើរជាងគេ។
គុណតម្លៃ
១. គុណភាព
យើងខិតខំប្រឹងប្រែងយ៉ាងខ្លាំងដើម្បីបំពេញតម្រូវការភាគីពាក់ព័ន្ធដោយស្វែងយល់ពីតម្រូវការរបស់ពួកគេ និងផ្តល់លទ្ធផលលើសពីការរំពឹងទុក។
២. លទ្ធផលជាចំបង
យើងខិតខំប្រឹងប្រែងអស់ពីលទ្ធភាពដែលអាចធ្វើបាន និងជម្នះឧបសគដើម្បីសម្រេចបានលទ្ធផលជោគជ័យ។
៣. សុចរិតភាព
យើងអនុវត្តការងារដោយភាពស្មោះត្រង់ តម្លាភាព និងភាពជឿជាក់ដោយគោរពផលប្រយោជន៍រួម។
៤. ទំនាក់ទំនង
យើងឲ្យតម្លៃដល់ការប្រាស្រ័យទាក់ទង លើកទឹកចិត្តឲ្យមានការពិភាក្សា និងចែករំលែកការយល់ដឹងរបស់យើង។
៥. ភាពជាសហគ្រិន
យើងប្រកាន់ខ្ជាប់នូវភាពជាម្ចាស់លើអ្វីដែលយើងធ្វើដើម្បីផលចំណេញរបស់ក្រុមហ៊ុន និងផលប្រយោជន៍របស់ប្រជាជន និងសង្គមជាតិរបស់យើង។
សារពីអគ្គនាយកានៃក្រុមប្រឹក្សាភិបាល
អតិថិជន និងដៃគូអាជីវកម្មជាទីរាប់អាន!
យើងជាដៃគូយុទ្ធសាស្រ្ត ដែលជួយលោកអ្នកក្នុងការស្ថាបនាស្លាកយីហោ និងអាជីវកម្មរបស់លោកអ្នកឲ្យកាន់តែប្រសើរ។ ចំណុចខ្លាំង និងជំនាញអស្ចារ្យរបស់យើង គឺផ្តោតសំខាន់លើការលក់ ការចែកចាយ និងការពង្រីកទីផ្សារ។ ជាមួយនឹងបេសកម្មដ៏ច្បាស់លាស់របស់យើង ក្រុមហ៊ុនរបស់យើងបង្កើតឡើងដើម្បីផ្តល់ជូននូវផលិតផល និងសេវាកម្មដែលមានគុណភាពខ្ពស់សម្រាប់ជីវិតមនុស្ស និងសង្គម។ ក្រុមហ៊ុន វ័ន ហ្រ្វេតធើនីធី ផ្សាភ្ជាប់ទំនាក់ទំនងរវាងអ្នកផលិត និងអ្នកប្រើប្រាស។ ក្រុមការងាររបស់យើង ត្រូវបានបំពាក់បំប៉នផ្នែកជំនាញក្នុងការផ្តល់សេវាកម្មដល់ឥតខ្ចោះទៅដល់អតិថិជនរបស់យើង។ គ្រប់ជំហានទាំងអស់ ក្រុមការងារដែលមានការលះបង់ខ្ពស់ និងបទពិសោធន៍ធានាថាផលិតផលរបស់ដៃគូអាជីវកម្មរបស់យើងនឹងបានទៅដល់អ្នកប្រើប្រាស់របស់ពួកគាត់ប្រកបដោយជ័យភាព និងប្រសិទ្ធភាពបំផុត។
ក្រុមហ៊ុន វ័ន ហ្រ្វេតធើនីធី គឺជាក្រុមហ៊ុនចែកចាយឈានមុខគេ ដែលមានបណ្តាញចែកចាយប្រកបដោយភាពទុកចិត្តគ្របដណ្តប់ទូទាំងប្រទេស។ ជាង១០ឆ្នាំមកហើយ យើងបានបង្កើតភាពល្បីល្បាញក្នុងការពង្រីកទីផ្សារលើស្លាកយីហោនាំមុខគេសម្រាប់ផលិតផលទឹកពិសាដបក្នុងប្រទេស។ លើសពីនេះ យើងក៏បានជួយពង្រីកវិសាលភាពទីផ្សារស្លាកយីហោមីកញ្ចប់ដែលកំពុងលេចធ្លោក្នុងប្រទេសកម្ពុជាផងដែរ។ យើងរក្សានូវទំនុកចិត្តរបស់លោកអ្នកដែលមានមកកាន់ពួកយើង ហើយយើងមានកិតិ្តយសក្នុងការផ្តល់សេវាកម្មជូនក្រុមហ៊ុន និងអតិថិជនរបស់លោកអ្នក។ យើងស្វាគមន៍ និងលើកទឹកលោកអ្នកក្នុងការទាក់ទង និងជួបដោយផ្ទាល់ជាមួយក្រុមការងាររបស់យើង។
យើងរួមគ្នាស្វែងរកឱកាស ប្រតិបត្តិការងារដ៏ល្អបំផុត និងផ្តល់នូវដំណោះស្រាយដ៏មានប្រសិទ្ធភាពទៅនឹងតម្រូវការអាជីវកម្ម និងការប្រកួតប្រជែងទីផ្សាររបស់លោកអ្នក។ ជាមួយនឹងការប្តេជ្ញាចិត្តឥតងាករេក្នុងការធ្វើឲ្យអាជីវកម្មប្រកបដោយសុចរិតភាព យើងតាំងចិត្តយ៉ាងពេញលេញដើម្បីការរីកចម្រើនជាមួយគ្នាស្របពេលចូលរួមជំរុញទៅដល់វឌ្ឍនភាពនៃសង្គមជាតិ។