ការលក់
អាជីវកម្មជោគជ័យ សំដៅលើអ្នកជំនាញក្នុងការដោះស្រាយបញ្ហាប្រឈមផ្នែកលក់ដោយវិធីច្នៃប្រឌិត។ ក្រុមហ៊ុន វ័ន ហ្រ្វេតធើនីធី អាចជួយលោកអ្នកដោះស្រាយបញ្ហាប្រឈមនៃការលក់នៅថ្ងៃនេះបាន។ ក្រុមការងារផ្នែកលក់ដ៏ស្វាហាប់របស់យើង នឹងផ្តល់ជូនលោកអ្នកនូវដំណោះស្រាយយ៉ាងសម្បូរបែបចាប់ពីការអនុវត្តយុទ្ធនាការលក់រហូតដល់ការធ្វើឲ្យការលក់មានការរីកចម្រើនដោយផ្អែកលើយុទ្ធសាស្ត្រត្រឹមត្រូវ និងមានប្រសិទ្ធភាព។ ជាមួយនឹងក្រុមការងារផ្នែកលក់ដែលផ្តោតគោលដៅជាចំបង ផែនការយុទ្ធសាស្ត្រច្បាស់លាស់ ជំនាញឧស្សាហកម្មពិតប្រាកដ និងបណ្តាញទំនាក់ទំនងដ៏រឹងមាំជាមួយអតិថិជន យើងមានទំនុកចិត្តយ៉ាងពេញលេញថា លទ្ធផលដែលបានកំណត់ នឹងត្រូវបានផ្តល់ជូនសមស្របទៅតាមគោលបំណងនៃអាជីវកម្ម។
ការចែកចាយ
ការចែកចាយ គឺជាមូលដ្ឋានគ្រឹះនៃការលក់របស់ក្រុមហ៊ុន។ ការធ្វើការជាមួយដៃគូចែកចាយដែលមានបទពិសោធន៍ និងមានបណ្តាញចែកចាយស្រាប់ អាចធ្វើឲ្យផលិតផលរបស់លោកអ្នកត្រូវបានគេស្គាល់យ៉ាងឆាប់រហ័សនៅក្នុងទីផ្សារ ដែលផ្តល់ឲ្យលោកអ្នកនូវអត្ថប្រយោជន៍ប្រកួតប្រជែង ដូចជា ការទទួលស្គាល់លើផលិតផល ការដឹកជញ្ជូនទាន់ពេលវេលា និងប្រសិទ្ធភាពនៃការចំណាយ។ ក្នុងនាមជាក្រុមហ៊ុនចែកចាយ ក្រុមហ៊ុន វ័ន ហ្រ្វេតធើនីធី អាចបង្កើនប្រសិទ្ធភាពរបស់លោកអ្នក និងបង្កើនទំហំនៃការចែកចាយរបស់លោកអ្នកឈានដល់ការគ្របដណ្តប់លើភូមិសាស្ត្រនៅទូទាំងប្រទេស។ ស្របតាមទស្សនៈនៃការដឹកជញ្ជូន យើងសន្សំសំចៃព្រោះយើងប្រើការគ្រប់គ្រងប្រកបដោយភាពច្នៃប្រឌិត និងធ្វើឲ្យប្រសើរឡើងជាបន្តបន្ទាប់ដល់ការគ្រប់គ្រងយានជំនិះ ការគ្រប់គ្រងសារពើភ័ណ្ឌ ការគ្រប់គ្រងឃ្លាំង ការដឹកជញ្ជូន និងប្រព័ន្ធសុវត្ថិភាព។
ទីផ្សារ
ក្រុមហ៊ុន វ័ន ហ្រ្វេតធើនីធី អនុវត្តនូវយុទ្ធសាស្ត្រទីផ្សារ ៣៦០ ដឺក្រេ ដែលជាវិធីសាស្រ្តរួមបញ្ចូលគ្នានូវយុទ្ធនាការទាំងអស់សម្រាប់ការផ្សព្វផ្សាយផលិតផល និងស្លាកយីហោឲ្យកាន់តែមានប្រសិទ្ធភាព។ ទីបញ្ចប់ វិធីសាស្រ្តរបស់យើងផ្តោតលើដឹកជញ្ជូន ភាពស៊ីចង្វាក់គ្នា និងការយល់ដឹងអំពីផលិតផលរបស់លោកអ្នកក្នុងការចែកចាយតាមបណ្តាញផ្សព្វផ្សាយបែបប្រពៃណី និងឌីជីថល ដោយមិនកំណត់ថាអតិថិជនរបស់អ្នកនៅទីណានោះទេ ទោះនៅក្នុងហាង នៅតាមផ្លូវ នៅលើបណ្តាញសង្គម ឬវេទិកាណាមួយក៏ដោយ។